Pedro Nolaskoren eguna

        Gaur, maiatzaren 6a, gurekin batera gainontzeko Mertzediarrekin batera, Pedro Nolascoren jaia ospatzen dugu. XIII. mendean, Mertzedeko Ama Mariaren ahotsa entzunez, bere gauza guztiak saldu zituen Afrikan atxilotutako gizonak askatzeko. Gaur ere, XXI. mendean, Nolascoren jarraitzaileak, Mertzediarrak, gizon emakumeen artean askatasuna zabaltzeko deituak gara gure mundua hobetzeko: aske izanez, askatasuna lortu.

   
   Horregatik eskerrak eman dizkiogu Jainko Aitari denok elkarrekin OTOITZ giroan ospakizun batean parte hartuz. Eta hau izan da egindako otoitza: 

Eskerrak Aita – Ama

  askatasunerako bidean

ez zarelako guregandik aldentzen.

Eskerrak gure bidean

Pedro Nolasco ipintzeagatik

gure gidaria izateko.

Eskerrik asko Zuk aske egiten gaituzulako.

Bai, aske egiten gaituzu,

“Animo, aurrera jarraitu”

esaten diguzulako nekatuta gauden bakoitzean.

Zuk aske egiten gaituzu, gure bizitzarekin

laguntzen dugunean mundu hobe bat eraikitzen.

Aske egiten gaituzu EZ esaten diogunean alperkeriari,

injustiziari eta norberekeriari.

Aske egiten gaituzu,

gure ondoan jarri diguzun pertsona

askatasunerako bidean

bidailagun dugula konturatzen garenean.

Bai, Jainko Aita – Ama,

Zuk aske egiten gaituzu, guztiz aske,

horregatik esaten dizugu: eskerrik asko!

Amaieran gure katea sortu dugu; batak besteari laguntzeko prest gaudela adieraziz.