Atzo, urtero legez, DBH3. eta DBH4. mailakoak Elai-Alai areto txikira joan ginen Berba Lagunek urtero antolatzen duen 11 orduko irakurraldian parte hartzera. Guri egokitu zitzaigun ordua 11:00etatik 12:00etara izan zen eta badakizue zein liburu irakurri genuen? Etxepare Euskal Institutuak Habanako Unibertsitatean (Kuba) euskal irakurle izendatu duen Joseba Sarrionaindiaren “Narrazio guztiak”. Urduritasunak urduritasun, oso ondo irakurri dugu bertan egon garenak eta gainera, iluntzean egun osoan zehar parte hartu dugun guztioi kopau batera gonbidatu gaituzte. Datorren ikasturtean gehiago eta hobeto!
Eta gogoratu, Euskararen Eguna data hauetan bada ere, ez da egun bakarreko gauza eta egunero erabili behar dugu.
No hay comentarios:
Publicar un comentario