Atzon, abenduaren 4ean, DBH
4. mailakoek parte hartu genuen irakurraldi baten berri ematera
gatorkizue. Dakizuen bezala, abenduaren 3an Euskararen eguna izan zen
eta Gernikan, beste herri askotan bezala, hainbat ekitaldi antolatu
izan dira egun berezi horren inguruan. Hemen, gure herrian, iaz
bezala, Berbalaguneko Talde Eragileak 11 orduko irakurraldi bat
antolatu zuen. Aurten Txomin Agirreren “Garoa” liburua izan dugu
irakurgai; 100 urte baitira lehenegoz argia ikusi zuenetik. Beraz,
gogotsu, Elai Alai aretora abiatu ginen, eta gelako 12 lagunen
artean, ordu bateko irakurraldia egin genuen. Eta... ez pentsa orain
dela 100 urteko Euskara horren erraza denik irakurtzeko! Hala ere,
saiatu eta oso ondo egin genuen.
No hay comentarios:
Publicar un comentario