Udaberriko Jaia

     2012ko maiatzaren 20an Mertzede Ikastetxeko Udaberriko Jaia ospatu da. Urtero bezala, ikastetxea banderatxo, agertoki eta txosna batekin apaindu dute.

Goizean goiz, hamarretan hain zuzen ere, jai-giroa hasi zen XVII. Sukalki Txapelketaren hasierarekin. Hainbat guraso eta taldek parte hartu zuten gisatu kazolak ilusioz prestatzen. Hamaika eta erdietan, San Bartolomeko Eleizan meza ospatu zen. Honen ostean Mertzedeko Dantza Taldeak dantzatzea pentsatuta zegoen baina,  bertan behera utzi behar izan zen, euria barra-barra zegoelako. Ondorioz, haurrak eta gazteak ez ziren dantzariz jantzita joan eskolara eta jarraian, entsalada prestatzeari ekin zioten, entsalada txapelketa hastear baitzegoen. Bitartean, ume txikienak margozketa tailerrean primeran pasatu zuten, hainbat marrazki aukeratzeko eta gazte batzuen laguntza zutelarik.

       

       Eguerdiko ordu biak inguruan, entsaladak aurkeztu ziren, baita sukalkiko kazolak ere. Eta gero, eskolako sukaldariak, Victorrek, eta Gernikako zinegotzi oihak, Maria Abadiak, 10 entsaladak eta 7 kazolak dastatu, epaitu eta puntuatu zituzten. Irabazle eta parte hartzale guztiek sari mordoa jaso zituzten, haien artean, sukalki txapelketako lehenengoak txapela harro eraman zuen etxera.

Sari banaketa bukatutakoan, janari herrikoiari hasiera eman zioten eskolako gimnasioan. Batzuek beraiek prestatutako gisatua jan zuten eta gainerakoek, aldiz, zizka-mizkez, entsaladaz, eskolako sukaldariak egindako paella gozoaz eta izozkiaz gozatu zuten.

         Arratsaldeko lau eta erdietan, umeentzako kontu kontalaria egon zen bere ipuinekin haurrak entretenitzen. Horrez gain, mus txapelketa ere jokatu zen. Juan Jauregi eta Musatadi geratu ziren txapeldun.

Seirak aldera, dantza txapelketa hasi zen ume txikienetik handienera. Egia esan, aurton originaltasun handia eta maila altua egon da. Kantuak famatuak izan ziren, hala nola, The Lazy Song, Danza Kuduro, Ai se eu te pego...Eta jaiari amaiera emateko, txokolatea eskaini zuten, bizkotxoekin batera. Gainera, Dj batek musika animatua ipini zuen guraso, ume, gazte eta andereño guztientzat.

            Jendeak oso ondo pasatu duela eta giroa primerakoa izan zelako dudarik ez dago baina datorren urtean, eguraldia hobea izatea espero dugu denok.