Burbuiltxo hauen atzetik korrika doaz ponpa batzuk harrapatzeko asmoz eta era horretara begiak eta eskuak koordinatzen dituzte. Gainera, xaboia ikutzean, hezea, itsaskorra... dela ikertzen dute.
2021/02/15
Haur minbiziaren nazioarteko eguna
Gaur, otsailak 15, Haur Minbiziaren Nazioarteko Eguna da eta gure ikasleek, minbizia duten haur eta nerabeen omenez, animo mezuak eta "Bizitzaren zuhaitzak" sortu zituzten beraien ausardia, adorea eta erresilientzia goraipatuz.
Irakurri zuten manifestuan adierazten den bezala, aurtengo urtea oso zaila izan da guztiontzat eta are gehiago egoera honetan bizi direnentzat. Hori dela eta, biziraupen hobea posiblea dela uste dugu eta gure eskuetan dago minbizia duten haurrak eta nerabeak merezi duten moduan zaintzea.
2021/02/12
Ihauteriak!
Ihauteri bereziak izan ditugu aurton! COVID19 an zehar GU ZAINTZEN dabiltzan pertsonak gogoratu ditugu eta omenaldi txiki bat eskeini diegu.
Mila esker bihotzez Osakidetza, garbitzaileak, supermerkatuetako langileak udaltzaingoa eta Ertzaintza!
Animo eta eutsi gogor!
2021/02/11
2021/02/08
Arrate Egañarekin solasean
Gure gazteek, Arrate Egaña bertatik bertara ezagutzeko aukera paregabea izan zuten. Izan ere, gazteek, idazle honen "Giltza" eta "Benetako Pirata" liburuak irakurri zituzten eta horien inguruko solasaldi polita izan zuten berarekin, ikastetxean.
2021/02/04
SANTA AGEDA BEZPERA!
Aurton, inoiz baino gehiago gogoratuko ditugu SANTA AGEDAko koplak. Bizi dugun pandemia egoera honetan OSASUNA eta BAKEA ez dagiela falta!
Santa Ageda Ageda Gure Martiri maitea
Gure herriari emon eiozuz
Osasuna ta bakea
Santa Martiri maitea
Dago errukiz betea
Berak alkantzatzu dagiela
Osasuna ta bakea
Agur orain esaten diet
Kanta honekin batean
Urte ontxo bat pasa dezazuen
Osasunez ta bakean
2021/02/03
ATZO KANDELERIO EGUNA!
"Kandelerio lerio
Atxari ura dario
Sagarrari madari
Eutsi Peru adarrari
Euria dakar menditik
Ondarroaren gainetik
ez daukat zapatarik banoa lekeitiotik
Kandelerioz eguzki
Negua dago aurreti
Kandelerio edurra
Joan da neguaren bildurra"
Euskal ohitura eta tradizioak mantentzen jarraitzen dugu!
Suscribirse a:
Entradas (Atom)