ZERO PLASTIKO URDAIBAI!!!

Ekainaren 8an "ZERO PLASTIKO URDAIBAI" ekimena izango da eta ikastetxean, ekimen honen bultzatzaile bi izan ditugu plastikoek gure ingurunean eta gure osasunean dituzten ondorioak azaltzen. Erabiltzen ditugun gehiegizko plastiko horiek gure elikagai katean ditugu iadanik. Kontuan izan plastikoaren bidea zirkularra dela: guk sortzen dugu eta elikagai katearen bitartez berriro iristen da guregana, kontuan hartu gabe ingurunean eragiten dituen kalteez: espezie asko hil, plastikozko irlak sortu, fotosintesia egitea oztopatu... 

Beraz,  ahalik eta plastiko gutxien erabili, edukiontzi egokira bota eta... EKAINAREN 8AN DENOK URDAIBAI GARBITZERA!!! HAN IKUSI NAHI ZAITUZTEGU!!!

IGANDEAN ... ESKOLAKO JAIA!

IGANDE HONETAN EZ DAKIZULA ZER EGIN? 

ZATOZ GURE ESKOLAKO JAIRA!

2019-06-02

HERRI IRRATIAN EGINDAKO ELKARRIZKETA!

DBH 4.mailako boluntarioak eta Ager Cuadrado, Radio Poular-Herri Irratian iznaziren "BAILOTERAPIA" EKIMENA aurkezten! Ekimen berezi hau TX PLUS VIDA elkartearekin eta
Galdakaoko ospitaleko hemodialisi gunearekin batera elkarlanean jarriz, dialisisa egiten ari diren gaixoekin egingo da. Enainean izango da eta parte hartzeko gogotsu gaude! IKASKETA ZERBITZUAn hezten dihardugu!

BIZKAIA IRRATIAN EGINDAKO ELKARRIZKETA!

Hona hemen BIZKAIA IRRATIAkoen Ager Cuadradori egindako elkarrizketa! Aditu dezakezuen bezala, gure ikastetxeko DBH4.mailako boluntarioak, TXPLUSVIDA elkartearekin eta Galdakaoko ospitalarekin batera elkarlanean jarri dira dialisisa egiten ari diren gaixoekin, "BAILOTERAPIA" EKIMENA aurrera eramateko. Ekimen hau ekainean izango da eta parte hartzeko gogotsu gaude! IKASKETA ZERBITZUAren aldeko apostua egiten jarraitzen dugu!

BUSTARVIEJORA EGINDAKO TXANGOA!

Zein baliotsua den ELKARBIZITZA! Desberdintasunak desberdintasun, ELKAR ERRESPETATZEA da gakoa!  Zeinen ondo ibili ginen LH 6.mailakook BUSTARVIEJOko aterpetxean, gainontzeko MERTZEDIAR IKASTETXEKO LAGUNEKIN batera! Dantzatu, jolastu, mendira joan, ibilaldi kulturalak egin, otoitz egin eta batik bat... ONDO PASATU genuen!

Hona hemen argazki galeria:

UDAL eta ESKOLARTEKO EA21eko FOROA!

Maiatzaren 8an, DBH 1. eta 2. mailako ordezkari bina urtero EA21etik antolatzen den eskola arteko forora eta udal forora joan ziren ikastetxean egindakoaren berri ematera. Oso ondo egin zuten, nahiz eta urduri egon. Aurten HONDAKINAK lantzen jarraitu dugu eta datorren ikasturtean horrekin jarraitzea espero dugu, denok hondakinak ondo sailkatzen ikasi arte. Hondakinen inguruan oraindik asko dago egiteko eta horren harira, ekainaren 8an Urdaibai osoan egingo den “Zero plastiko Urdaibai” ekintzan parte hartzera animatzen zaituztegu!

KRISTALOGRAFIA LEHIAKETA

Ez gara ekintza desberdinak egiteaz nekatzen eta oraingo honetan, ikastetxeko DBH 4. mailakoak urte osoan zehar egindako lana aurkeztera etorri gara. Abendutik hona, KRISTALOGRAFIA LEHIAKETA batean sartuta ibili dira gure ikasleak. Lehenengo, ikastetxeko laborategian beraien KRISTALAK SORTU behar izan dituzte, ondoren POSTER ZIENTIFIKO bat aurkeztu eta azkenik, gela osoaren izenean, 3 ikaskide EHUra joan dira beraien lana beste ikastetxeei erakustera eta epaimahaikideen aurrean defendatzera. Benetako ZIENTZIALARIen lana izan da!!! Nahiz eta azkenean saririk ez irabazi, zientzilari baten larruan jarri dira eta esperientzia polita izan dela diote. Errepikatzeko modukoa! 

ARGAZKIAK

ESKOLARTEKO HERRI KIROL FINALAK!

Maiatzaren 12an, ESKOLARTEKO HERRI KIROL FINALAK ospatu ziren Getxon. Bertara hurbildu ziren gure ikastetxeko KIROLARI gazteak eta podiumera igo ez baziren ere, egindakoaz harro eta pozik daude! AUPA KIROLARIOK! AUPA NESKAK! 

ARGAZKIAK

HEZIKI TOPAKETA!

Gure kirolari gaztetxoenak, HEZIKI TOPAKETAra hurbildu eta kirolaz gozatu zuten! Osasun ohiturak landuz, bizi kalitatea hobetu! 

ARGAZKIAK

HIRI ETA LANDAGUNEKO BIODIBERTSITATE TAILERRA!

Natur ingurunearekin errespetuz jokatzeko ohiturak sortzen jarraitzen dugu. Lehen Hezkuntzako txikienek, HIRI eta LANDAGUNEKO BIODIBERTSITATE TAILERRA izan dute eta bizi garen ingurunea aprobetxatuz eta naturari buruzko ingurumen hezkuntza eta partaidetza sustatzeko asmoz, ikasitakoa praktikan jartzera irten gara Oka ibaiaren ertzera.

ARGAZKIAK

ABESBATZA eta ANTZERKIA!

Maiatz erdian, ABESBATZA eta ANTZERKI emanaldiak izan genituen LIZEO antzokian. Gure ikusleak, erabat hunkituta eta liluratuta geratu ziren ikasleen ahots apartak entzutean! Abesteko gaitasun bikaina dutela bistan dago! Abestiak: 

-"EUSKARALDIA MERTZEDEN" (ABBA)
- "ONE CALL AWAY" (CHARLIE PUTH)
-"ILARGIA" (KEN 7)
-"SHALLOW" (LADY GAGA & BRADLEY COOPER)

Bestalde, LH 6. mailakoek, BALOREetan oinarritutako "GUK ELKARRI ON EGINEZ, ZUK ZERGATIK EZ?" ANTZERKIA eskaini ziguten. Hasieran tira-biran dabiltzan arren, azkenean, gure ikastetxeko aurtengo lemak dioen bezala, "BIDE BERRI BAT ASKATASUNEAN BAT EGINIK" amaitzen dute.
Zorionak ikasleei eta baita lan hauek aurrera eramatea posible egin duzuen irakasleoi ere!!!

Egin klik hemen,  Argazkiak ikusteko!

DBH 3. eta 4. MAILAKOEN TXANGOA!

DBH 3. eta 4.mailakoak PEÑAS NEGRAS ezagutzera joan ginen LA ARBOLEDAra. Benetan polita eta izugarria izan zen bertan ikusi genuen paisaia. Baita, burdin meategi bat izatetik gaur egun ingurunea nola berreskuratzen den ikastea ere. Meategia zen garaiko bizimodua eta gizartea ikasteaz gain, gaur egungo balio historikoa, kulturala eta bio-geologikoa ere ikasi genituen. Pena izan zen eguraldi txarra izan genuela eta ezin izan genuela interpretazio zentrurainoko txangoa egin. Beste batean izan beharko!

ANTTON IRUSTA IDAZLEA GUREAN!

Gaztetxoak EUSKAL LITERATURAra hurbiltzeko eta literaturaz gozatzeko asmoz, Euskal Idazleen Elkartetik ANTTON IRUSTA idazlea hurbildu zitzaigun ikastetxera. Ikasleek, idazle honek idatziriko "MUNDUARI ITZULIA 18 IPUINETAN" irakurri eta berarekin elkarrizketa saioa izan dute zergatik eta nola idazten duen, ideiak nondik ateratzen dituen, zein izango den hurrengo liburua eta beste hamaika galderei erantzunak emanez.

DANTZARI EGUNEKO BIDEO ETA ARGAZKIAK IKUSI NAHI?

ARGAZKIAK

LH eta DBHko IDAZLAN KOADERNOAK

Ekintzaz beterik hasi dugu maiatza! Ikasleek ikasturtean zehar, EUSKARAzko ipuinak sortu dituzte eta XVIII. IDAZLAN KOADERNOAn argitaratu dira! Zorionak!

ARGAZKIAK

BIDEOA 

BIHAR...ABESBATZA ETA ANTZERKIA!!!

LANDA EZAGUTZEKO ETA IKERTZEKO TAILERRA!

Aurreko ostiralean, tailer berezi bat izan genuen ikastetxean. Oporrak baino lehen, izaki bizidun eta bizigabeen proiektua amaitu genuen eta landutako guztia gogoratzeko, animalien eta landareen aztarnak aztertu genituen. Txori batzuen habiak ikusi, animalien oinatzak sortu eta beste hainbat gauza ikasi genituen! Ikusi nahi?

PEDRO NOLASCO!

Mertzediar komunitatea sortu eban PEDRO NOLASCOren egun handia dugu gaur! Berak, gazte-gaztetatik behartsuenei laguntzeko gogoa, gatibuak aske uzteko griña eta jendearen artean kristau fedea zabaltzen laguntzeko ilusioa izan zuen. Gaur egun, Pedroren lanak gure artean bizirik irauten du eta guk bere pausoak gogoratu eta jarraitzeko konpromezua hartu dugu!